www.intel.com/intel/worldahead

www.madad.net

“1 şagird : 1 kompüter” layihəsi Azərbaycanda 2008-ci ildən Intel World Ahead (“Gələcəyin dünyası buradan başlanır”) proqramı çərçivəsində həyata keçirilir. 2010-cu ilədək İntel Azərbaycan məktəblərinə 400-ə yaxın İntelClassmate PC (şagird netbuku) hədiyyə etmişdir. 2011-ci ilin sonunadək isə daha 600 netbukun verilməsi nəzərdə tutulmuşdur. İntel şirkəti tərəfindən işlənib hazırlanmış Classmate PC – məktəblilər üçün nəzərdə tutulmuş sərfəli qiymətli, davamlı, mobil təlim qurğusudur.

Bu netbuklar paylanılmış məktəblərin müəllimləri üçün Rusiya Federasiyasından dəvət almış ekspert tərəfindən 1 şagird-1 kompüter layihəsi üzrə təlim keçirilmişdir.

Layihənin ilkin mərhələsinin nəticələrinin muşahidəsi məqsədi ilə ekspertlər tərəfindən layihədə iştirak edən məktəblərin şagird, valideyn və müəllimləri arasında sorğu aparılmışdır. Sorğunun nəticəsi olaraq aşağıdakı faktlar aşkar olunmuşdur:

• Sorğuda iştirak edən şagirdlərin 87%-i kompüterin onların dərslərini qavramasına müsbət təsir göstərdiyini bildirir
• Sorğuda iştirak edən şagirdlərin 74%-i etiraf edir ki ev tapşırıqlarını qələm və kağızda yerinə yetirmək əvəzinə kompüterdə  yerinə yetirməyə daha həvəslidirlər
• Sorğuda iştirak edən valideynlərin 91%-i bildirir ki, kompüter texnologiyarı ve netbuklardan istifadə uşaqlara həm tədrisdə kömək edir, həm də digər bacarıqlarının formalaşmasında müsbət təsir göstərir
• Sorğuda iştirak edən müəllimlərin 90%-i bildirmişdir ki, layihədə iştirak etdikdən sonra onlar öz şagirdlərin informasiya və komunikasiya texnologiyalarını tətbiq etməkdə motivasiya etməyə və düzgün istiqamətləndirməyə hazırdırlar.
• Sorğuda iştirak edən müəllimlərin 90%-i şagirdlərin dərs prosesində araşdırmalar zamanı internetdən daha çox istifadə etdiklərini etiraf edirlər
• Sorğuda iştirak edən müəllimlərin 90%-i qeyd edir ki, layihədə iştirak etdikdən sonra şagirdlər öz layihələrin digər sinif yoldaşlarına təqdim etməyi və təqdimatlar yaratmağı öyrənmişlər
• Sorğuda iştirak edən müəllimlərin 90%-i qeyd edir ki, netbuklardan istifadə şagirdlərin gündəlik həyatlarında dərs materiallarının toplanması, planlaşdırılma və komunikasiyada müsbət təsirini göstərmişdir.

 Təhsil Sisteminin İnformasiyalaşdırılması İdarəsinin rəisi Samir Məmmədovun sözlərinə görə şagird netbukları paylandıqdan sonra şagirdlərin dərsə həvəsləri sinif otağında kompüter olmayan vaxtlara nəzərən xeyli artmışdır.

Intel World Ahead kompleks proqramının vəzifəsi müasir texnologiyaların, rabitənin və təhsilin daha geniş yayılmasını təmin etməklə, insan həyatının keyfiyyətini yaxşılaşdırmaqdır.